Модоме имрӯз миллионҳо кӯдакон бо ҳавас ба мактабҳо рафта ба соли хониши нав шурӯъ мекунанд, бархе аз хонандагон дар орзуи мактаби наванд.
240 талаба – сокинони деҳаи Ибрати Боло (ба қавли мардум деҳаи Шашхона)-и ноҳияи Восеъ – се сол боз интизори мактаби наванд.
Ҳанӯз моҳи сентябри соли 2020 зимни сафари кориаш президент Эмомалӣ Раҳмон барои сохтмони муассиса санги асос гузошта буд. Сохтмон ба муносибати 30-солагии Истиқлоли давлатӣ оғоз гардида буд.
Вале пас аз деҳа рафтани меҳмони олимақом, сохтмон ба таъхир афтод. Тобистони ҳамин сол кадом як ширкате корро дар иншоот шурӯъ намуда, таҳкурсӣ ҳам кофт, вале боз бедарак шуд.
Кӯдакони ин деҳа дар куҷо таълим мегиранд ва бо кадом мушкилот дучоранд? Барои дарёфти маълумоти бештар дар ин хусус аз тамошои ин гузориши видеоӣ баҳравар шавед.
