Дар нуҳ моҳи соли ҷорӣ аз ҷониби корхонаҳои соҳаи саноати сабуки ҷумҳурӣ истеҳсоли намудҳои нави маҳсулот ба роҳ монда шуд.
Тавре аз Вазорати энергетика ва саноати ҷумҳурӣ хабар доданд, аз ҷумла дар ҶММ «Ёқут-2000» дӯхтани хаймаҳои ҳарбии (палаткаҳо) андозаҳои гуногун роҳандозӣ гардид, ки минбаъд истеҳсоли он дар асоси талаботи бозори дохилӣ ва фармоишҳо аз ҷониби мақомотҳои қудратӣ амалӣ мегардад.
Ҳамчунин дар як қисми ин корхона коргоҳ оид ба истеҳсоли сумкаҳои мактабӣ, сайёҳӣ ва хоҷагӣ ташкил карда шуд, ки мунтазам фаъолият дорад.
Бино ба маълумоти манбаъ, дар ҶСП «Гулистон» истеҳсоли халатҳои якбормасрафи тиббӣ (барои ҷарроҳӣ) ба роҳ монда шуда, СИ «Раҳимов» ва корхонаи дӯзандагии «Фирӯз» ба истеҳсоли либосҳои варзишӣ (кимано) оғоз намуданд.
