Санаи 1-уми феврал дар Қирғизистон Конфронси дуюми байнулмилалии «Консалтинг бидуни марз» (Консалтинг без границ) баргузор шуд, ки дар он гурӯҳи консалтингии «Камолот 1» ҳамчун дорандаи мақоми 1-уми дар номинатсияи «Лоиҳаи консалтингии сол» дар соли 2012 лоиҳаи худро муаррифӣ намуд.
Дар зиёфати шомгоҳӣ пас аз конфронс маросими супурдани Ҷоизахои ба номи Габриэл ал-Салем аз рӯи 5 номинатсия – «Лоиҳаи консалтингии сол», «Мушовири сол», «Барои саҳми назаррас дар рушди консалтинг», «Консалтинг бидуни марз» ва «Ассотсиатсияи беҳтарини дар ҳоли рушд қарордоштаи мушовирон» доир гардид. Соли равон ширкати «Камолот 1» дар номинатсияи «Консалтинг бидуни марз» ба мақоми дуюм шарафёб гардид.
Дар фарҷоми зиёфати шомгоҳӣ ҳайати Тоҷикистон ба ҳозирин видеоролик дар бораи Тоҷикистон, намоишҳои сарлибоси миллии тоҷикиро пещкаш намуда, суруди «Гулдухтарони тоҷик»-ро ба самъи ҳозирин расонид.
Ҷоизаи байнулмилалии ба номи Габриэл ал-Салем ҷоизаи мустақил буда, барои дастовардҳои мумтоз дар соҳаи консалтинги мудирият эъто мегардад. Ҳадаф аз таъсиси ин ҷоиза мусоидат ба иҷрои меъёрҳои касбӣ ва ахлоқӣ аз ҷониби ширкатҳои консалтингӣ, пешбурди касби мушовирӣ дар ҷомеа, беҳсозии фазои тиҷоратӣ ва дар маҷмӯъ, мусоидат ба рушди иқтисоди бозорӣ мебошад.
Ширкати консалтингии «Камолот 1» ба корхонаву ширкатҳо дар ҷиҳати татбиқи усулҳои замонавии мудирият мусоидат менамояд. Ин усулҳо ба ҳадафҳои стротежӣ ва вижагиҳои корхонаҳои муштарӣ мутобиқ гардонида мешаванд.
