Вакили палатаи поёнии парлумони Тоҷикистон Давлаталӣ Давлатзода имрӯз ба шаҳри Санкт-Петербург раҳсипор шуд, ки дар он ҷо дар қароргоҳи Ассамблеяи байнипарлумонии кишварҳои узви ИДМ рӯзҳои 15-16-уми октябр дар ҷаласаи гурӯҳи корӣ оид ба таҳияи лоиҳаи қонуни қолабӣ «Дар бораи абадӣ гардонидани хоираи ҳимоятгарони Ватан» иштирок мекунад. Дар ин бора ба «Азия-Плюс» котиби матбуотии Маҷлиси намояндагони Маҷлиси Олии Тоҷикистон Муҳаммадато Султонов хабар дод.
Ба гуфтаи ӯ, дар ҷаласаи гурӯҳи корӣ вакилони парлумонҳои аъзои Ассамблеяи байнипарлумонии кишварҳои узви ИДМ, коршиносон ва намояндагони мақомоти салоҳиятдори кишварҳои узви Иттиҳод ширкат хоҳанд варзид.
«Дар ҷараёни кори гурӯҳ баррасии ҳар як моддаи қонуни қолабӣ «Дар бораи абадӣ гардонидани хотираи ҳимоятгарони Ватан» дар назар аст, ки ба қабули қонунҳои ба ин монанд дар кишварҳои Иттиҳод замина мегузорад», – таъкид дошт Султонов.
