Вазири корҳои хориҷии Ҷумҳурии Тоҷикистон Сироҷидин Аслов рӯзи 15 июни соли 2016 роҳбари Намояндагии доимии Бонки ҷаҳонӣ (БҶ) дар Тоҷикистон Патрисия Виверс – Картерро ба ҳузур пазируфт.
Бино ба иттилои Вазорати корҳои хориҷии ҶТ, зимни мулоқот масъалаҳои вобаста ба ҳамкории Ҳукумати Ҷумҳурии Тоҷикистон ва Бонки ҷаҳонӣ дар робита ба баргузории Ҳамоиши байналмилалии сатҳи баланд оид ба Ҳадафи шашуми рушди устувор – “Таъмини дастрасии ҳамагонӣ ба об ва беҳдошт” ва вазифаҳои вобаста ба он, ки 9-11 августи соли равон дар шаҳри Душанбе баргузор мегардад, мавриди баррасӣ қарор гирифтанд.
