Вазири рушди иқтисод ва савдои Тоҷикистон Неъматулло Ҳикматтуллозода бо вазири шабакаҳои барқӣ ва энергетикаи барқароршавандаи Миср Мухаммад Шакур Ал-Маркабӣ масоили ҳамкориҳои энергетикии байни кишварҳоро баррасӣ кард.
Тавре дафтари матбуоти Вазорат иттилоъ медиҳад, вохӯрӣ дар доираи ҷаласаи серӯзаи навбатии Комиссияи муштараки байниҳукуматии Тоҷикистону Миср оид ба ҳамкориҳои иқтисодӣ, илмӣ ва фаннӣ дар Қоҳира баргузор шуд.
Гуфта мешавад, зимни мулоқот ҷонибҳо перомуни тавсеаи ҳамкориҳо дар соҳаи энергетика, аз ҷумла, истифодаи имконоту захираҳои мавҷудаи соҳа, ҷалби сармоя ва боздиду шиносоии мутахассисони соҳа аз объектҳои энергетикии ҳар ду ҷониб табодули назар карданд.
Тибқи маълумоти Агентии омори назди Президенти ҶТ, тӯли 9 моҳи соли ҷорӣ ҳаҷми муомилоти мол байни Тоҷикистону Миср ҳамагӣ 502 ҳазор долларро ташкил додааст, ки дар муқоиса бо ҳамин давраи соли гузашта 50% афзудааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
