Дирӯз, якшанбеи 9-уми июл, дар Ӯзбекистон интихоботи президентии пеш аз муҳлат баргузор шуд, ки дар он Шавкат Мирзиёев, раиси ҷумҳури кунунӣ бори дигар ғолиб эълон гардид. Шаҳрвандони ин кишвар, ки дар Тоҷикистон зиндагӣ мекунанд, низ дар Сафорати Ӯзбекистон дар Душанбе овоз доданд.
Дар Душанбе ҳавзаи интихоботӣ чӣ гуна омада карда шуд, шаҳрвандони Ӯзбекистони муқими Тоҷикистон бо чӣ умед ба қуттиҳои райъдиҳӣ ҳозир шуданд ва пас аз овоздиҳӣ чӣ гуфтанд?
Гузориши хабарнигори “Азия-Плюс”-ро аз ҷараёни овоздиҳии шаҳрвандони Ӯзбекистон дар интихоботи президентӣ тамошо кунед:
Интихоботи мазкур – интихоботи пеш аз мӯҳлат аст. Шавкат Мирзиёев соли 2021 тариқи раъйпурсӣ бори дуввум президенти Ӯзбекистон интихоб шуда буд ва то интихоботи навбатии дигар беш аз 3 сол муҳлат дошт.
Вале моҳи апрели соли ҷорӣ ба сарқонуни ин кишвар тағйиру иловаҳо ворид карда шуд, ки он муҳлати президентиро аз 5 то 7 сол тамдид кард. Пас аз ин Мирзиёев аз идомаи муҳлати президентиаш даст кашид.
Ба иттилои пешакии Комиссияи марказии интихоботи Ӯзбекистон, дар интихоботи кунунӣ пеш аз 15 миллион нафар ё қариб 80 дарсади раъйдиҳандаҳо иштирок кардаанд. Ва беш аз 87 дарсади онҳо ба ҷонибдорӣ аз Шавкат Мирзиёев овоз додаанд.
