Президенти нахустини Тоҷикистон, узви палатаи болоии парлумони ҷумҳурӣ Қаҳҳор Маҳкамов дар кори ҷаласаи навбатии фонди ҷамъиятии «Гуфтугӯи тамаддунҳо», ки ба он журналисти маъруф ва олим, профессор Иброҳим Усмонов роҳбар аст, иштирок ва суханронӣ мекунад.
Ҷаласа бо иштироки Қаҳҳор Маҳкамов рӯзи 22-юми май соати 17 дар бинои маркази тиҷоратии «Пойтахт» бо суроғаи кӯчаи Турсунзода, 45 доир мегардад.
Тавре ба «Азия-Плюс» Иброҳим Усмонов хабар дод, президенти нахустини Тоҷикистон ният дорад, ки ба саволҳои иштирокчиёни ҷаласаи фонди ҷамъиятии «Гуфтугӯи тамаддунҳо» посух бигӯяд.
Пас аз канор рафтан аз сиёсат дар моҳи августи соли 1991 президенти аввали Тоҷикистон Қаҳҳор Маҳкамов қариб ҳеҷ гоҳ бо журналистон ва аҳли ҷомеа гуфтугӯ накардааст.
Қаҳҳор Маҳкамов 16-уми апрели соли 1932 дар шаҳри Ленинобод (феълан Хуҷанд) ба дунё омадааст. Ходими сиёсӣ ва давлатии тоҷик ва даврони советӣ, Раиси Шӯрои Вазирони ҶСС Тоҷикистон (1982—1986), Котиби Якуми Шӯрои Комитети Марказии Партияи Коммунистии ҶСС Тоҷикистон (1985—1991), Раиси Шӯрои Олии ҶСС Тоҷикистон (1990), аввалин президенти Тоҷикистон (1990—1991). Аз соли 2000 узви доимии Маҷлиси миллии Маҷлиси Олии ҶТ.
