Мутобиқи меъёрҳои қонунгузории ҷумҳурӣ, раиси Кумитаи палатаи поёнии парлумон оид ба қонунгузорӣ ва ҳуқуқи инсон Маҳмадалӣ Ватанзода, ки санаи 27 январ бо фармони президент Ёрдамчии Президенти Тоҷикистон оид ба масъалаҳои ҳуқуқӣ-намояндаи комилҳуқуқи Президенти Ҷумҳурии Тоҷикистон дар Маҷлиси Олии Ҷумҳурии Тоҷикистон таъин гардид, бояд ваколатҳои худ ба вакилӣ дар Маҷлиси намояндагонро супорад.
Тавре ба «Азия-Плюс» як манбаъ аз Комиссияи марказии интихобот ва раъйпурсӣ (КМИР)-и Тоҷикистон дар ин робита иттилоъ дод, собиқ роҳбари Дастгоҳи иҷроияи президент Бахтиёр Худоёрзода низ баъди ба вазифа тасдиқ шуданаш бояд ваколати худ ба вакилӣ дар палатаи болоии парлумонро супорад.
Хотиррасон шуд, ки М.Ватанзода аз ҳавзаи интихоботии якмандатии ноҳияи Фирдавсӣ ба вакилӣ дар палатаи поёнии парлумон ва Б.Худоёрзода аз ҳавзаи интихоботии шаҳри Душанбе ба вакилӣ дар Маҷлиси миллии Маҷлиси Олӣ интихоб шудаанд.
Санаи баргузории интихобот ба ҷойҳои М.Ватанзода ва Б.Худоёрзодаро КМИР дар муддати ду моҳ аз замони расман қатъ шудани ваколатҳои онҳо эълон мекунад.
