Корҳои омодагӣ ба ифтитоҳи дидбонгоҳи нави назоратӣ дар сарҳади байни Тоҷикистону Ӯзбекистон, ки шаҳри Истаравшани Тоҷикистонро бо ноҳияи Янгиободи Ӯзбекистон мепайвандад, босуръат ҷараён дорад.
Тавре ба “Азия-Плюс” як манбаи огаҳ аз ҳукумати Тоҷикистон хабар дод, ин 18-умин дидбонгоҳи назоратӣ байни кишварҳо буда, дар давраҳои аввал он танҳо рӯзона фаъолият мекунад.
Мутобиқи Созишномаи байниҳукуматии Тоҷикистону Ӯзбекистон аз соли 2002, дар сарҳади давлатҳо 16 гузаргоҳ амал мекард, ки 9-тоаш мақоми байнулмилалӣ ва 7-тои боқимонда мақоми дуҷониба дошт.
Аксари гузаргоҳҳо нимаи солҳои 2000-ум дар натиҷаи ба сардӣ гароидани муносибатҳои дуҷониба баста шуда, то аввали соли гузашта танҳо дутоаш: яке дар самти Турсунзода – Сариосиё ва дигаре дар самти Бӯстон – Бекобод фаъолият мекарданд.
Моҳи марти соли гузашта пеш аз сафари давлатии раисҷумҳури Ӯзбекистон Шавкат Мирзиёев ба Душанбе ҳамаи 16 гузаргоҳи сарҳадии байни давлатҳо пурра ба фаъолият оғоз карданд. Гузаргоҳи “Боботоғ” моҳи марти соли ҷорӣ боз шуда, Ҳисори Тоҷикистонро бо Узуни Ӯзбекистон пайваст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
